प्रधानमन्त्री प्रचण्ड र कांग्रेस नेता कोइरालाबीच भेटवार्ता, मन्त्रीको नाम चाँडै पठाउने

 काठमाण्डौँ - प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका नेता शेखर कोइरालाबीच भेटवार्ता भएको छ । आज प्रधानमन्त्री प्रचण्ड भेट्न नेता कोइराला प्रधानमन्त्रीको सरकारी निवास बालुवाटार पुगेका हुन् । उनीहरुबीच मन्त्रिपरिषद्लाई पूर्णता दिनेबारेमा छलफल भएको बताइएको छ ।

नेता कोइरालाले पार्टी सभापति शेरबहादुर देउवासँग छलफल गरेर मन्त्रीको नाम पठाउने बताएका छन् । कांग्रेसका गगन शेखर समूहले तीन मन्त्रालयमा दाबी गर्दै मन्त्रीको नाम पठाएको छैन । जसले गर्दा प्रधानमन्त्री प्रचण्डलाई मन्त्रिपरिषद पूर्णतामा सकस भएको छ ।